بیرا من دهێت، بەری 48 سالان، دەمێ ئەز ل رێزا 2ێ سەرەتایی ل گوندی*، مامۆستای ل دەرسا هونەری فەرمان کر کو هەر ئێک دەربڕینێ ژ جیهانبینییا خوە بکت و وێنەکی چێ کت.. بەری دەرس ب دووماهی بهێت ب چەند خولەکەکان، مامۆستای وێنێن مە هەلسەگاندن و نمرە بۆ مە دەینان. دەمەکی سەیدا گەهشتە هەڤالەکی مە و گۆت:(( …. ئەڤە چ ڕەسمە تە چێ کری؟!)). بەری ئەو قوتابی بەرسڤێ بدت، سەیدای وێنێ وی نیشا مە دا، دیار بوو، وی قوتابی وێنەیەکێ بۆ مە ژی عەجێب! و هەڤدژ چێ کربوو. د وێنەی دیار بوو، ل رخەکی داوەت و دەهۆل و زڕنا لێدان و ل رەخێ دی کەسەک سێدارە ددا. ل بیرا منە، مامۆستای ب کەنی ڤە گۆتێ: (( ئەڤە دیارە نەیارێن ئێکن، ل ڕۆژا قنارەکنا وی یێ بۆ خوە کەیف و سەمایێ دکن؟)). بەرسڤا هەڤالێ مە دایی، پشتی ئەم پێ کەنین، ڕۆندک هاتنە چاڤان و بەردا گریێ! مەبەستا من ژ نڤیسینا ڤێ بیرهاتنێ، نەخشەیێ هەرێمێ بەری چەند سالان ل ژێرییا هەرێمێ پتر ژ 51% ژ لایێ ئیراقێ ڤە هاتە داگیر کرن، ئەڤرۆ ئاخا ژۆرییا هەرێمێ ژ لایێ ترکان ڤە ب دەهان کیلۆ متران یا دهێتە داگیر کرن و سۆتن و وێران کرن و کەیف کەیفا مە یە ئەم یێ ئاهەنگ و ڤەستیڤالێن کەرکرنا خەلکی دگێڕین.
*راستە فۆتۆ مەیدانا وەرزشی یە ل گوندی، لێ وێنەیێ رەش و سپیێ وی دەمی یە، ئەز د ناڤ هەڤالان دا د نیڤەکێ دا مە و ئەم یێ یارییا تەپا تائیرێ دکین. وێنە ب کامیرەیا مامۆستایێ دێرین یێ گوندێ ناڤشکێ ل سالێن حەفتییان، ب ناڤێ رەمەزان عەمەر ئەلحەکیم هاتیە گرتن.
