دوهی پشتی روودانا تیرۆرستی یا شەڤا دی و شەهیدبوونا 13 پێشمەرگە و وەلاتییان، من خوتبا مەلایێ مزگەفتەکێ بهیست، بابەتێ وی سەبارەت براینییا دێرینا رۆحی یا بسۆرمانان بوو، بێی جوداهییا ئەتنی و نەتەوەیی د ناڤبەرا وان دا هەبت.. مەلای ل دووڤ تێکستێن پیرۆز، جوان بەحس دکر و ئایاتا 10 ژ سۆرەتێ قورئانا پیرۆز (الحجرات): (إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ وَاتَّقُوا اللَّهَ لَعَلَّكُمْ تُرْحَمُونَ) كر بوو نیڤشکێ خوتبا خوە و گەلەک ب حەماس بەحسێ نەمریا وێ براینییا ژیێ وێ پتر ژ هزار و چارسەد سالان، بەردەوام د ناڤبەرا ئۆمەتا ئیسلامێ دا دکر.. پاشی حالەتێ هندەک ئەسحابیێن پێغەمبەری سلاڤ لێ بن کرنە نموونەیێن براینیێ، دەمێ ل هجرا مەکەهێ بۆ مەدینێ کو ژبلی سەروسامانێ هەیی ب بابۆ و براینی ل خوە لێکڤە کر، هەتا هندەکا ژ وان ئەنساران ژنێن خوە دگەل مهاجران لێکڤە دکرن. واتە هەکە ئەنسارەکی دو ژن هەبانە و مهاجرەکی چو نەبانە، ژنەک ب حەلالی د دا مهاجرەکی و ب براینی پێکڤە دژیان.
براینییا دێرین و خوینبەربوونا بەردەوام!
