دکتاتۆری هەر دکتاتۆریە، ڤێچا ب ناڤێ ئەشیرێ بت، یان ب ناڤێ دینی بت یان ب ناڤێ مارکسی و دیمۆکراسی لیبرالیێ بت. ئەڤا ئەڤرۆ ل ئیراقێ روودەت کو تنێ خودان شاشکەک رەش (عەمامەک) مینا مقتەدا ئەلسەدری دکەت و خوە ب ناڤێ مەزهەبی ل پشت هژمارا کورسیێن خوە د پەڕلەمانی دا خوە دسەپینت و گەنجێن خوین گەرم پالددەت کو حوکمەتا عەبدوئەلمەهدی یا کو وی پشتەڤانیا وی کری ب هێزا جادەیێ ژ ئالیەکی بهەلوەشینت رەنگە چو ژ دکتاتۆریا سەددامی کێمتر نینە، لێ دبن عەبایێ دینی و دیمۆکراسیێڤە، ب فیتیا هندەک دەستێن دەرەکی ئیراقێ بەرەڤ کاڤلکرنێ و فتنێ دبەت. داخویانیێن ئەڤرۆ یێن موقتەدای یان دێ وەکی من بت یان دێ ئیراق وەک سووریێ و یەمەنێ لێهێت گەفەکا دکتاتۆریا سۆراسۆرە، ئەنجامێ وێ ژی زڤڕینا پرۆسێسا ئیراقێ بۆ چارگۆشەیا دەستپێکێ کو تنێ د بەرژەوەندیا نەیارێن ئیراقێ و کوردستانێ دانە.
