گۆتارەکا دی مە ل رۆژنامەیا ئەڤرۆ هژمار 2705 ل رۆژا چارشەمب، رێکەفتی 20ـ 11 ـ 2019 بەلاڤکر.
دێ چێبت….. یان هولێ هاتە
نها ژی گەلەک جاران ژ بێ زاڕی و بێ هیڤی بوونا خوە، دەمێ گەنگەشە ل سەر ڤێ رەوشا تلۆڤە ژ شاشی و کێموکاسیان دهێتە کرن، هندەک ژ رەشبینیا خوە و رێژەیەک کێم ژی ژ گەشبینیا خو دێ گۆتنا کەڤنشۆپ دوبارە کەن: ((دێ چێ بت.)) پشتی ئەنجامێ ڤی مانشێتێ خودان گۆتارەک درێژ، تنێ بوویە ڤەجین و چێ نەبووی و بەرەف خرابتر چۆی، ئانکو پڕانیا خەلکی گەهشتینە وێ باەریێ کو ئەڤە دیفاکتۆیەک (امر الواقع) خوە سەپاندیە و گەلەکا ب زەحمەتە پشتی پتر ژ 28 سالان ب هیڤیا ڤی خەلکی و ڤێ دەستهەلاتێڤە رەوش وەک ئەو تیۆری دخوازن ببتە کریار و چێ ببت، ژ بەر هندێ خەلکەک وەک رەفتار و ئاخڤتن بەرەف وی تێگەهی دچن، دەمێ گەنگەشە دەربارەی بابەتی گەرم دبت دێ بۆ خوە کەنە بەهانە و بەرگیریێ ژ رەفتارێن خوە یێن بەری هینگێ وان بۆ خوە ب حەرام و کوفری ددانان بکەن و نها ئێدێ دبێژن :((مانێ هۆلێ هاتە.)) ل ڤێرە مەبەبەست ژ هولێ هاتە واتە واقعێ خوە سەپاندی زێدەی تاقەتا هەموویانە، وان گەلەک خەبات ب وژدانەک پاقژ کر کو گەندەلی، دزی، واستەکاری،
