کتێبا هزرکرنا رەخنەیی، ئێک ژ وان کتێبێن باشە، د پترییا بیاڤێن ڕەوشەنبیری دا ل ڤێ دووماهیێ من خواندی. ئەڤ کتێبە ژ نڤیسینا نڤیسەرێ نیۆزیلەندی تریسی بۆیل و نڤیسەی ئسکۆتلەندی جاری کمپ و نڤیسەرێ عەرەب عیسام زەکەریا جەمیل تەرجومە کریە.
ئەوێ بشێت ڤێ کتێبێ بخوینت، دێ بۆ وی دیار بت کو ئەڤ رەخنەیا ئەم دکین هەمی ڕەش یان هەمی سپی، هێشتا ژ جوونێ گۆتارا مالباتێ، ئووجاخی و عەشیرێ یە و گەلەک دوورە ژ رەخنەیا ئەکادمی و لۆژیکی و پترییا زاراڤێن رەخنەیی د جیهانا شارستانی و نووخوازی دا تێ دا نینن.
د هەر 8 چاپتەرێن ڤێ کتێبێ دا هەردو نڤیسەران گەلەک تەئکید ل سەر بکارئینانا زاراڤێن رەخنەیی کرینە. مخابن هێشتا پترییا رەخنەگرێن مە، هێشتا گەها خوینەرێن نۆرمال نەهاتی، تێگەهێ وان زاراڤان وەنەگرتییە. ئانکو دانەرێن ڤێ کتێبێ وەسا بەحس کریە کو هەر گۆتار و گۆتنەکا هەبت زاراڤێن رەخنەیی یێن زانستی تێ دا نەبن ئەم نەشێین ب پەیامەکا رەخنەیی ل قەلەم بدین کو بشێت خزمەتا مرۆڤایەتیێ بکت.
ئەوا مایی ب کورتی من نەگۆتی، گرنگترین ساخلەتێن ڤێ کتێبێ ئەوە دانوستاندەکا رۆهن سەبارەت وان هێجەتێن سەرەکی یێن خوینەرێ هەچکۆهەیی دگرت دکت.. ژ بەر هندێ ئەڤ کتێبە دبتە ڕێنیشاندەرەک زانستی، وەختێ خوینەر هێجەتان شرۆڤە دکن پێدڤی دبنێ و پێشەکییەکا دیارە بۆ هزرکرنەکا رۆهن و ژیرانە.
