ئەڤە ژ مێژە، دەمێ ئەز سپێدەیا دهاتمە دەوامێ ل دهۆکێ، ل رۆژێن ساهی و سەقایێ زەلال، هەر ل ژۆردانیێ بەرێبهار ئەو تەمودووکێلا ژ کارگەهـ و پارزینگەهێن پترۆلێ یێن نەشەرعی یێن دەڤەرا سمێلێ ل رۆژئاڤایێ دهۆکێ بلند دبوو من ددیت. دەمێ دگەهشتمە دەرگەهێ باژێڕی ئەو مژومۆرانا وان پارزینگەهێن ژەهراوی باشتر دیار دبوو کو گەلەک ژ رۆژئاڤایێ دهۆکێ ژی گرتیە. من هینگێ د دلێ خوە دا دگۆت: هەکە خەلکێ دەڤەرێن سێمێلێ و زڕکا و ماسیکێ زانیبایە خەتەرا ڤێ دووکێلا ژەهرا وی چەندە ل سەر ساخلەمیا وان دا خانیێن خوە بەردن و ل هندەک جهێن دی ئاکنجیبن؟!
راستە بەری سازیا (ناسا) ئەمریکێ دیار بکەت کو دەڤەرا سێمێلێ تایبەت خالا وێ یاناڤەندی (کواشێ) پیسترین خالا ژینگەهێیە ل رۆژهەلاتا ناڤین، هندەک ژ خەلکێ سێمێلێ، تایبەت تەخا رەوشەنبیران، گەلەک دەنگێ خوە بلند دکر داکو بەس وێ ژەهرێ هەلکێشن و حوکمەت جددی ل سەر ڤێ کێشەیێ راوەستت و وان پارزینگەهان راکەت، لێ هەتا نوکە چو پێڤە نەهاتیە و تنێ ب سەدان هزاران خەلکەک وێ دەڤەرێ ژەهرێ دهەلکێشن و دبنە قوربانی، بەرامبەر هندەک نەفەرێن کێم پێ دبنە ملیۆنێر و ملیار دێر و دووری ڤێ ژەهرا چو ژ ژەهرا ب هەل.
