گەلەک جاران هندەک رەخنەیا جڤاکی دکەن کو پڕانیا وی بووینە شرۆڤەکارێن سیاسی و هەرئێک وەکی خوە دنژنت و هەڕێفت. ئەڤ گۆتنە نیڤەکا وێ راستە کو کێم کەس هەنە تایبەتمەندن د بیاڤێ شرۆڤەکرنێن سیاسی دا و رەنگە مافێ وان بت هەر بابەتەکی رۆژەڤێ گۆرەی دیتنا خوە شرۆڤە بکەن داکو خەلکێ دی مفای ژێ وەربگرت، لێ ئەڤە وێ ڕامانێ نادەت کو بیاڤێ سیاسەتێ د وەلاتەکێ خودان دەستهەلاتەکا حزبی و بێ دستوور و خودان قانوونەکا لاواز دا، ب تنێ بۆ سیاسەتڤانان یا پاوان کری بت و نابت کەسێ دی ژبلی وان باس بکەت. .
مە بڤێت نەڤێت ئەڤرۆ سیاسەت، تایبەت د وەلاتێن رۆژهەلاتی و پاشڤەماین دا، بوویە خوێ یا هەموو گراران و بێی سیاسەت چو تشت ب ڕێڤەناچت. واتە ئاشتی، شەڕ، دین، ئابۆر، لەشکەر، ئاڤ، کارەب، پەنابەری، پرۆژێن دن یێن خزمەتکاری، بێکاری، دامەزراندن، پێکهینانا ژیانا هەڤژینیێ، لڤین و کزبوونا جڤاکی… هتد. هەموو سیاسەت دبتە دینەمۆیێ وان د جڤاکی دا دزڤڕینت و کلیلێن وان د دەستێن سیاسەتڤانان دانە.
دەمێ سیاسەتڤانێن نەسیاسەتڤان خەلکێ خوە دکەنە سیاسەتڤان
