ئەڤ کتێبە بەری هەیامەکێ من خواند. ئەڤ کتێبە، ژ نڤیسینا هزرڤانی ئەمریکی یێ رەسەن چاپانی، فرانسیس فۆکۆیامایە و مەجاب ئەلئیمام وەرگێڕایە زمانێ عەرەبی و ژ 229 بەرپەڕێن قەبارە مەزن پێک دئێت و لسەر چار چاپتەران ب تێروتەسەلی لێکڤە کرییە.
فۆکۆیاما د ڤێ پرتووکێ دا، ب تیۆرییەک زانستی بەحسێ لاوازییا کیانێ دەولەتێ و کارتێکرنا وێ لسەر سیستەمێ جیهانی یێ نوو دکەت کو خەتەرترین و ئالۆزترین کێشەیە و گەفان ل پاشەرۆژا جیهانێ دکەت.
فۆکۆیاما ئەگەرێن دبنە لاوازیا دەولەتێ و نەمانا وێ ب شێوازەکێ زەلال و تەشویقی ل ئیراقێ و ئەڤغانستانێ و سۆمالێ و یۆگسلافیا بەرێ، کەمبۆدیا و هندەک دەولەتێن دی یێن لاواز و سیستەم ئالۆز گەنگەشە دکەت و گەلەک جاران ئاماژەیێ ب نەفەسەک دیمۆکراسی ددەتە ئەمریکا تایبەت پارێزگارێن راسترەوێن نوو ل سالێن هەشتیان ژ سەدێ بۆری هێرڤە کو ئەگەرێ هەڤڕکییێن جۆراوجۆرن دگەل ئۆرۆپا و گەلەک وەلاتێن دی یێن جیهانێ و وان وەل ئەمریکا کرییە کو ببتە وەلاتکێ زلهێزێ ئێک جەمسەری یێ دکتاتۆری پشتی خوە ژ گەلەک رێکەفتنێن نێڤدەولەتی ڤەکێشای و ئیراق و ئەڤغانستان غەزۆ کرین و ب سەدان ئاڕیشەیێن نەتەوەیی، سیاسی، جڤاکی و رەوشەنبیری ل وان وەلاتان بەلاڤکرین… من نەڤێت زێدەتر ڤان رێزکان درێژ کەم و پتر ب چمە د ناڤ هوورهوورکێن کتێبێ دا، رەنگە درێژتر لێ بت پۆست نەئێتە خواندن.
