ل ڤان سالێن دوماهیێ هندەک جاران دەمێ هندەک بەرپرسێن هەرێمێ دئاخڤن ژ نشکانڤە هندەک پەیڤ ب خەلەتی ژ دەڤی دەردکەڤن و ئەرەب دبێژنێ (زلة لسان). گۆرەی تیۆریا زانایێ دەروونی یێ جیهانی سیگمند فرۆیدی ئەڤ جۆرە ئاخاڤتنێن ژ نەهشیا مرۆڤێ دەردکەڤن راستینە و نەدخەلەتن، لێ دەمێ مرۆڤ دئاخڤت و دەروونا مرۆڤی نە یا سروشتی بت و ئالۆز و شەپرزەبت، هینگێ ئەو جۆرە پەیڤ ئەز ا مرۆڤی دگەل ئەزا بلندا مرۆڤی کو پرنسیپ و بهانەیێن مرۆڤێ دپارێزت، ب لاواز دبینت و دەردکەڤن. ژ بەر کو فرۆید وەسا دبینت ئەقلێ مرۆڤی یێ دیار و نەدیار وەک چیایەک بەفرێ یە د دەریایێ دا، ئاقلێ نەهوش (الهۆ) پتریا ویە دبن ئاڤێڤە و ئەقلی هوش (شعوری) یێ کێمە ب سەر ئاڤێڤە. واتە دە مێ بەرپرسەک سەمینارەکێ ددت و هەر ل پێشەکیێ دبێژت: سەمینار ب دوماهی هات. واتە ئەو حەز دکت هەر زوو سەمینار ب دوماهی بهێت، یان هەما نەکربا بۆ وی باشتر بوو. هەر وەسا دەمێ بەرپرسەک دئاخڤت هەیڤا 9 بکەتە هەیڤا 19 واتە ئەو نۆزدە راستە و ب نهێنیێن دەروونا ویڤە گرێدایە. هەر وەسا دەمێ بەرپرسەک د چاڤپێکەڤتنەکا میدیای دا نزانت 21 + 12 + 8 =41 ئەو ژمارا خەلەت گۆتی ئەوێ پەیوەندی ب نهێنیەکا ویڤە هەیە و راستیە ژ بەر هندێ ئەو راستیا ڤەشارتی گرنگتربی و خوە لسەر ئەنجامێ بۆ خەلکەکی راست سەپاند. ئەڤ جۆرە دیمەنە پێدڤی خواندنێن ئەکادمی یێن جوداجودانە، ئالیێن بەرپرس پێ راببن و مفای ژێ وەربگرن.
